ТИТУЛЬНАЯ

ИКОНЫ, ТРОПАРИ И КОНДАКИ.
 

 

Благовѣрный Царь Павелъ Страстотерпецъ, императоръ Всероссійскій. 1801 г. 12/25 марта.
Тропарь гл. 6.
     Благовѣрный царю страстотерпче Павле, житіемъ благочестивымъ, правленіемъ богомудрымъ и муче-
ническою кончиною угодилъ еси Христу Спасу нашему; молися Ему о спасеніи страждущія земли Россійс-
кія, да избавитъ люди своя отъ безбожныхъ и злыхъ, да воздвигнетъ самодержца православнаго и спасетъ душы наша, яко Преблагій.
Кондакъ гл. 5.
     Возсія днесь преславная память твоя, благородне страстотерпче царю Павле, созывающи насъ къ похва-
ленію Христа Бога нашего. Тѣмже къ тебѣ днесь притекающе смиренно молимъ тя, услыши и прими сіе моленіе насъ грѣшныхъ, прибѣгающихъ къ предстательству и заступленію твоему; да избавимся отъ всѣхъ бѣдъ и скорбей, иже присно память твою почитающи.
     Икона: ‒ Елена Ивановна Иванова.
     Тропарь и кондакъ: ‒ изъ службы благ. Царю Павлу.


Священномученикъ Димитрій (Любимовъ), архіепископъ Гдовскій. 1935 г. 4/17 мая.
Тропарь гл. 4.
     Днесь радостно ликуетъ церковь Русская, прославляющи вѣрнаго сына своего, во дни гоненія безбожна-
го жизнь свою за вѣру Христову положившаго, и кровію своею истину соблю́дшаго, иже собратій въ вѣрѣ не устоявшихъ терпѣливно увѣща, и Веліáру колена не преклони. Священномучениче Димитріе, Христа Спаса моли, да истинную церковь свою сохранитъ до скончанія вѣка.
Кондакъ гл. 3.
     Днесь въ ризахъ бѣлыхъ Престолу Агнца Божія предстоитъ священномученикъ Димитрій, вкýпѣ съ новомученики и исповѣдники Россíйскими, за вѣру Христову умученными, и вѣнцы нетлѣнныя отъ Христа пріявшими. Съ нимиже вѣрный святителю Христовъ молися, да вѣра Христова въ сердцахъ нашихъ утверждается, во спасеніе душъ нашихъ.
     Икона: ‒ Инокиня Параскева (Анисимова).
     Тропарь и кондакъ: ‒ Инокиня Февронія (Свидлеръ).


Мученикъ Алексій (Алойзъ Труппсъ) Латгалецъ, Царскй служитель. 1918 г. 4/17 іюля.
Тропарь гл. 5.
     Ди́вна дѣлá Твоя Господи, яко мáлаго въ мíрѣ семъ врéменнемъ, славою вéліею вѣнчáеши, и вѣ́рнаго слугý царéва Алексія, вкýпѣ со влады́цею его земны́мъ, мýченическаго вѣнцá сподобля́еши. Тéмже сей предстоя́ Тебе Небесному Вады́це, достойно слы́шитъ сладчáйшій гласъ: добрый рáбе благíй и вѣ́рный, вни́ди въ радость Господа твоего.
     Икона: ‒ Елена Ивановна Иванова.
     Тропарь: ‒ Инокиня Февронія (Свидлеръ).


Праведный Ѳеодоръ (Андреевъ), протоіерей Петроградскій, исповѣдникъ. 1929 г. 10/23 мая.
Тропарь гл. 4.
     Церкви Христовы истинный служитель, и Димитрія святителя вѣрный сподвижниче, заточеніе правды ради претерпѣлъ еси, вѣру же невреждéнну соблюлъ еси: исповѣдниче святый Ѳеодоре, моли Христа Бога, да спасетъ души нашя.
Кондакъ гл. 2.
     Правую вѣру сохранилъ еси, вѣнцѣмъ исповѣданія тя Богъ украси́, исповѣдникъ Христа явлился еси, тѣмже съ вѣрою, Ѳеодоре, зовемъ ти: молитвами твоими вѣрныя люди сподоби Царствія Христова наслѣдницы быти.
     Икона: ‒ Инокиня Параскева (Анисимова).
     Тропарь и кондакъ: ‒ Іеромонахъ Алексій (Калоевъ).